February 19, 2024
Manahi Te Hiakai Gardiner | He huinga manu aute ki Ōtaki
I rere ki ngā rangi o Te Hauāuru ngā manu aute, he kitenga ātaahua, he koanga ngākau.
Koia te kōrero a te Kaipāpāho i te reo irirangi o Te Ūpoko o Te Ika a Manahi Te Hiakai Gardiner i muri mai i te kaupapa Ngā Mahi Taurima Manutukutuku i tū ki Ōtaki i te mutunga wiki ku’ hori.
He tekau mā tahi tau ku’ whakahaerehia e te ohu Ōtaki Promotions i te kaupapa nei me te aha he tokomaha i te 20 mano tāngata i tae atu.
Hei tā Gardiner, ‘tēnei hanga āhua o te manu aute he mea whakaari nē? He mea toi hei kai mā te whatu, hei kai mā te hinengaro. Āna marika te mātitnitini tonu ka tae tae ake he tauiwi, ēngari nui tonu ngā Māori ka arohanui ki tēnei hanga āhua o te manu aute. He nui tonu ngā Māori e arohanui ana ki tērā whakaaturanga nā te mea ko te manu aute tēnā, he toi hei kai mā te whatu e iri ake ana ki te rangi.’