February 19, 2024
Paki Johnston | E kā tonu te ahi ki Ōtautahi – e te iwi, kia mataara
Moea te poi, moea te taiaha.
He whakatūpatotanga mai i ngā kaipatu ahi o Waitaha ki te hapori o Ōtautahi i te ahi nui e kā tonu ana ki ngā puke o Te Poho o Tamatea.
Hei tā te Māngai Ahi-ā-Takiwā o Waitaha a Paki Johnstone, kia mataara koutou, waihoki ki te pupuhi tonu te hā o Tawhirimatea peange ka rere hoki ko te hā o Mahuika nā reira kia rite mai te hūnuku etia nei he take.
Koianei te rangi tua ono ku raru ai ngā puke nā te ahi, ā ko te kī a Johnstone, ‘kia tūpato i ō koutou mahi i tēnei wā me ngā mahi o waho rā. Kaua e mahi mihini me ērā atu ahi pērā i te BBQ, kia tino tūpato. Tēnā hoki ko ngā tāngata kua hoki ki ā rātou kāinga kei roto i tēnā wāhi- kia noho haumaru ana hoinō, kia whakareri koutou kia whakaputa anō mēnā e kaha ana te hau, e kaha hoki ana te ahi. Ma matou e tangi atu ki a koutou kia nuku mēnā koirā o mātou whakaaro.’