February 19, 2024
Rīhari Tākuira | 50,000 ngā tāngata e whakautu ana i te tohe a David Seymour mō Te Tiriti o Waitangi
Nā David Seymour i whakarauika ai te iwi Māori ki Waitangi e mōhio pū ai ia i te hē o tana hiahia ki te panoni i ngā mātāpono o Te Tiriti o Waitangi.
Koia te kōrero a te mema tōrangapū omua o Nāhinara a Rīhari Tākuira ki tō mātou hōtaka o Manako, hei tāna, ko te utu a te iwi Māori ki a ACT me waiho i te mana i Te Tiriti kia rere pēnei i ōna kupu i te pepa.
Hei tāna, ko David Seymour te take i tae ā-tinana atu te takimano tāngata ki Waitangi.
E ai ki a Tākuira anō, “i whiwhi ā tātou katou i tētahi wikitōria nā te kūare o taua tangata nei a David Seymour ki te hiahia ki te whakature me kī rā ngā principles o ngā piripete mō Te Tiriti o Waitangi, ā, nā tōna kūare i katoa mai te motu ki Waitangi te katoa. E 50,000 mano tāngata i reira ka mutu ko te kōrero kaua kaua tātā ki Te Tiriti o Waitangi koia rā te karanga o ngā tāngata katoa.”