February 02, 2024
Eru Morgan | Ka whakaeke a Tainui mā te ope hōiho ki te hīkoi ki Waitangi
Ko te rangimarie, ko te rongomauri, koia te momo ka kawea e te rōpū eke hoiho o Tainui, i tā rātou tautoko i te Hikoi ki Waitangi.
Koia te kōrero a te mangai o te rōpū, a Eruera Morgan-Lee, i mua i tā rātou tauranga ki te Taitokerau ā ngā rangi tata.
Hei tā Morgan-Lee ko te haumaru, me te manaaki mai i ngā kaihīkoi te whakaaro nui i ā rātou e koke ana i ngā huarahi o nōta.
E ai ki a Morgan-Lee, “kei te mātārae pea o ngā whakaaro i ā matou e kuhu atu ana ki tēnei hīkoi kāore i koanga mai koanga atu i tērā ko te oranga ko te hauora ko te atawhai tētehi ki tētehi i mea atu rā au ki a koe [Pōhaturoa Waenga] kua whakatōpū mai mātau i runga anō i te wairua o te aroha ko te aroha tētahi ki tētehi ko te whakapūmau I te kotahitanga.”