February 02, 2024
Kia Hiwa Rā! – Ko ngā whetū maiangi o te ao kairīpoata Māori
Kua whakanuia ngā whetū maiangi i te ao kairīpoata reo Māori e te pukapuka tuatahi e hāngai ana ki te rāngai pāpāho reo Māori.
E ai ki te kaituhi o Kia Hiwa Rā!: Māori Journalism in Aotearoa New Zealand, a Tākuta Atakohu Middleton kei te whāngai tana puka i te hītori o ngā kairīpoata reo Māori mai rānō i tōna tīmatanga mai.
Hei tāna, he tongarewa tēnei mō ngā reanga o tēnei wā, hei whai i ēnei mahi a ngā kairīpoata reo Māori kua rongonui i te ao kōrero Māori.
E ai ki a Middleton, “kei te mōhio pai ahau he ruarua noa iho ngā rauemi i ngā kura me ngā whare wānanga mō tēnei kaupapa arā te mahi kairīpoata Māori ka mutu tērā pea mā te pukapuka nei e kōkiri ai ētahi tauira ki te whai i ngā tapuwae o ngā kairīpoata kei roto i te pukapuka nei. Ā, i waenga i ā rātou ko Oriini Kaipara, rātou ko Peata Melbourne, ko Kereama Wright, ko Julian Wilcox ko Annabelle Lee-Mather, ko Mihingarangi Forbes.”