August 27, 2012
Kaimahi Hauora Maori ki Te Tai Tokerau
Ka timata te Huinga mo nga Kaimahi Hauora Maori ki Te Tai Tokerau I tenei wiki, a, koia ko te wa tuatahi I roto I nga tau 15 kua hipa, kua tu te kaupapa nei ki tenei rohe.
Ka taati te huinga, e wha ra nei te roa, a te 30 o nga ra o Akuhata, mo nga rata Maori, a, ko te aronga a te kaupapa e tirohia ana me pehea ra e hapai nga rata i a ratou ano, kia piki tonu te ora, kia ahei tonu ratou te hapai I nga hapori.
Hei ta Takuta Lance O’Sullivan he take nui tenei mo nga rata Maori, ta te mea, ko ratou hoki teera, ka upoko pakaru ki te mahi, a, ko nga rata Maori hoki eera e tu ana hei kaiarahi mo te hapori ano hoki.
Hei ta O’Sullivan, I tuku patai atu a ia ki te Kahui, kia whakahaeretia tenei hui ki roto I te Tai Tokerau, I runga ano I te kite, me te hakamana hoki I te tini o nga takuta Maori, kua puta mai i tenei rohe.
Hei tana, 150 nga rata, nga kaimahi hauora, me nga akonga ka rupeke atu ki te hui.
Ka tu te huinga nei, ki Korou Kore Marae, Ahipara, mai i te Rapare tae noa atu ki te Ratapu.