Kua kopoua a Toni Boynton hei kaitono Pāti Reipa mō te tūru o Waiariki ki te Pōtitanga ā-Motu e tū nei ā te 14 o Oketopa.
Ka whakakapi a Boynton i a Tāmati Coffey me tana kī kāore ia e tū anō ā muri i te Oketopa. Ka pakanga a Boynton ki te kaipupuru o Waiariki, a Rāwiri Waititi.
E mōhiotia whānuitia ana a Boynton mō tana kōkiri i ngā wāri Māori ki ngā kaunihera ā-rohe huri noa i te motu. I te pōtitanga kaunihera ā-rohe o tērā tau, i mau i a Boynton te wāri Māori hou o Kāpū Te Rangi ki te Kaunihera ā-Rohe o Whakatāne.
Nō Tūhoe a Boynton, a, i whākina tana tū ki Reipa ki te Hui Ahurei o Tūhoe i ngā rā whakatā. Hei tāna, “He nui taku harikoa nā te mea kei te haere au ki te whawhai mō ā tātou kaupapa, mō ā tātou iwi Māori.”
