January 24, 2024
Kua hinga te ringa rehe o ngā mahi toi a Selwyn Muru e 86 ōna tau
Kua hinga te kaiwhatu i te whakaaro, te ringa rehe o ngā mahi toi nō Muriwhenua, nō Te Aupōuri, nō Ngāti Kurī, a Selwyn Muru.
Whānau mai ana i Te Hāpua i Te Tai Tokerau, i mōhiotia whānuitia a Muru mō āna mahi ki te hāpai i ngā toi Māori, ā, i te tau 1990 i whakawhiwhia e ia te tohu Waka Toi nā Kahurangi Te Atairangikāhu, mō tāna i koha ai ki te ao pāpāho, ki ngā mahi rīpoata, me ngā mahi whaikōrero anō hoki.
He kaimahi reo irirangi, me he ringatoi hoki i ngā tau, ko tana mahi nui he whakakōrero, he whakaauaha i ngā pūrākau Māori.
Hei tā ngā kōrero kua tae mai ki Waatea, nō te ahiahi nei tū ai he karakia mōna ki te whare tiaki tūpāpaku o Tīpene, ā, tāria te wā e whakamārama ai ngā whakaritenga mōna. He 86 tau te pakeke a Selwyn Muru. Nā reira e te rangatira kia au te moe.