January 23, 2024
Teanau Tuiono | Ka kawe mātou i ngā nawe atu i ngā hui-ā-motu
Kei te haere Ngā Kākariki ki ngā hui-ā-motu katoa, e tika ai tā rātou mahi āpitihana ki te tohe i te kāwanatanga.
Koia te kōrero a te mema pāremata o Ngā Kākāriki a Teanau Tuiono, whai muri i te hui nui ki Tūrangawaewae.
Hei tāna, mā te mōhio ki ngā nawe o te iwi Māori ki ngā rāweketanga a te kāwanatanga mō Te Tiriti o Waitangi e pakari ake ai tā rātou tū ki te whakahē i te kāwanatanga.
Hei tāna tonu, “heoi anō ko tāku nei e hiahiatia ai kia tiro i te here tiro ki te piringa i waenganui i ngā hui e toru nā runga i tērā ka taea te kawe te kōrero mai i Tūrangawaewae ki Rātana kātahi mai Rātana ki Waitangi me pēhea tātou e kōkiri ai ngā whakaaro ngā kaupapa kia mōhio mai te katoa anei anō taku wāhanga ki roto i tēnei whawhai mō tō tātou nei Tiriti o Waitangi mō tātou nei whenua, reo Māori he aha rānei nō reira ko tērā te hiahia nui.”