Listen Now: 
Download AudioKua rere ngā karakia, kua huri te oneone hoki i a Ngāti Huirapa ki te whenua e tū ai te kura metarahi hou o Ara Te Pūkenga ki Tīmaru.
E ai ki te kaitohu Māori ki Ara Te Pūkenga, ki a Te Marino Lenihan, he mea nui ki a ia te whakahaerenga o ngā tikanga Māori hei whakarite pai i ngā tumu o te whare, i mua i te whakatū o ōna patu.
Hei tā Lenihan, mā ngā karakia Māori, e puta ai ngā tauira ā tōna wai i te ao mātauranga, ki te ao mārama.
“Ko te kauapapa matua, ko ngā ākonga māori ka kuhuna ki tērā whare kia mōhio rātou, rātou ko ō rātou whānau, i te wā i whakatū ai te whare, i reira te hau kāinga, i reira ngā tikanga whakahaumaru i taua whare, kia wātea ai te ara o te mātauranga kei mua i a rātou. Koia ko te mea nui, kia mōhio ai te Māori kua uhia taua whare rā i te tikanga Māori. Nā te hau kāinga i whakahaere, mā ngā ākonga Māori me ō rātou whānau te huanga.”
RELATED NEWS
