March 28, 2023
He whaiwhai pōti te mahi a Winitana: Tuiono
He mea hoko pōti kaikiri noa tā Winitana Pita kōrero ka mukua e ia ngā ingoa Māori o ngā tari kāwanatanga mēnā ka eke tana pāti, a Aotearoa Tuatahi, ki te kāwanatanga ā te Pōtitanga ā-Motu ka tū hei te Oketopa.
Koia nei te kōrero a Teanau Tuiono, mema Pāremata mō Ngā Kākāriki. Hei tāna, e hiahia ana a Pita ki te whakamānea i ngā tāngata e mautohe ana i te iwi Māori, te tikanga Māori hoki hei whaiwhai pōti.
“Kei te paopao ia te tāima kia harihari ngā kakī whero, mā runga i tērā ka whiwhi pōti a ia. Tērā te take, taku nei titiro ki a ia, ko tēnei te take e pēra ana a ia. Kāore e hiahia ngā ingoa [Māori] ki te tari kāwanatanga? Ē, i te wā ia ko te Minita mō te tari o te Māori Affairs, ko ia anō i tinihia, kia tapaina te ingoa ko Te Puni Kōkiri! Nō reira, kei te porotū ā ia ki ā ia anō. Engari tēnā te āhua o tēnei whara.”