January 22, 2024
Ngāwaihonoitepō | “engari he whakatinana i tā rātou kāore i whakatinana”
Kua puta ngā whakaaro o te Puhi Ariki o te Kiingitanga I tāna ngaukino i riro mā te wero ki te kāwanatanga e whakakotahi ai I te iwi Māori.
Koia ngā kōrero a te Puhi Ariki o te Kīingitanga a Ngāwaihonoitepō ki ngā rangatahi i te hui-ā-motu i tū ki Tūrangawaewae marae i te Rāhoroi.
Hei tāna ki te marea kua eke ki te wā e mana motuhake ai, e piri ai tātou ki te whakakotahi i ngā iwi Māori katoa.
E ai ki te Puhi Ariki, “kua hōhā ahau kua roa nei tātou e kōrero ana mō te kotahitanga ahakoa tērā kāore tātou i te whakatinana nō reira kei ā tātou ngā rangatahi o te iwi Māori, ngā rangatahi o āpōpō he haepapa nui ki te kawe ake ki te whakatinana ki ō tātou mātua ehara i te mea he whakatakahi i te mana o ā mātou mātua engari he whakatinana i tā rātou kāore i whakatinana [kia ora – ngā kaiwhakarongo].”