April 12, 2013
He ahi kei weraina te takiwā
Kei te tū tonu te rāhui tahu ahi i te rohe ō Te Kaunihera ō Whakatane, engari pea mē maumahara i ngā hapori kia kaua tētahi tangata e tahu ahi, ahakoa kua makariri haere te taiao.
Ki ngā kōrero ā te Apiha Tinei Ahi Tuawhenua Matua ā Neal Yeates kei te maroke tonu ngā tarutaru whenua, nō reira te whakaaro ahakoa iti te kapura ina kē te nui ō te murara ka hora whānui ki ngā kainga mē ngā ngāhere.
He whakatūpato kua puta atu i ā Neal Yeates nā ngā tahunga ahi i murara i Matatā tērā tētahi tahu ururua pērā rawa te tahunga ahi i Te Rae ō Kohi i Whakatane mē tētahi i kā ki te wharua ō Matatahi i Te Waimana, arā ngā mahi ā ngā tangata tinei ahi kia whaiwhai i ērā tahunga ahi kia weto marika kia kore i pā kino ki ngā ngaherehere.
Ka mau tonu te rāhui tahi ahi kia heke rano mai te ua mō ngā wiki e rua engari mē kaha te heke mai ekene mē waipuke ka tika te whakawaiwai i ngā whenua.
Copyright © 2013, Uma Broadcasting Ltd