December 11, 2023
Teanau Tuiono | He hōnore nui hei pīka tuarua o te pāremata.
Ko wai mā hei pīka tuarua mō te whare pāremata mehemea me aro a Jerry Brownlee ki kaupapa kē? Mā Teanau Tuiono ēnā mahi e hiki.
Hei tā te mema rārangi o ngā Kākāriki, hei tā Tuiono, nōna te maringa nui, kua whakaingoahia ia hei kaitautoko mā te pīka.
Koia nei hoki te wā tuatahi kua nōhia e Ngā Kākāriki ki tēnei tūranga mana nui a te pīka, waihoki e mānawai nui mai ana a Tuiono ki ēnei mahi kei mua i a ia.
Hei tā Tuiuono,” te wā i tae mai te kōrero ki a au i whakaaro ake he mea pai, he mea whakahirahira, engari he mea hōu. Ehara i te mea kei te whakarite au kia whiwhi i tērā io ngā tūranga. Heoi anō mōku te whiwhinga, mōku te hōnore kia tū ki runga i tērā o ngā tūru kia hāpai atu te rere o ngā matapaki kōrero ki roto i te pāremata. I te mea ko au te tuatahi mai i roto Ngā Kākāriki ki te whiwhi tērā tūranga nō reira hōnore nui.”