Ko ‘Matariki Kāinga Hokia’ te karanga

Waatea Team Jade Maipi

Download Audio

Ahakoa ko wai koe, ahakoa nō whea koe, tēnā hoki atu ki tō kāinga tūturu, whakanui ai a Matariki i tēnei tau!

Ko Matariki Kāinga Hokia te karanga ki ngā ahurea katoa o Aotearoa mō te tū o te rā o Matariki ā te 14 o Hūrae, ā, kua rewa tētehi waka whakatairanga e ākina ana i a tātou kia noho tahi ki ngā tāngata e arohaina nei e tātou.

E ai ki te upoko auaha kei muri i ngā whakatairanga, e ai ki a Jade Maipi nō Mahi Tahi Media, ahakoa te rerekē pea o te momo o te kāinga ki tēnā, ki tēnā, ko te karanga kia hoki atu koe ki tērā wāhi e rongo ai te haumarutanga.

“Ki ētahi, ko te kāinga he hoki ki te whenua, he hoki ki tētehi tūrangawaewae, mō ētahi atu, he tangata. Mō ētehi tāngata e noho ana ki roto i ngā tāone, ko tā rātou mahi he whakakotahi i ō rātou hoa hei whakahaumaru i ā rātou. Ko tērā ētahi o ngā āhuatanga o te kāinga. Nō reira ko tērā tō mātou aronga.”

RELATED NEWS

Kua tinihia kee nga iarere o nga reo irirangi o Kaitaia He kaupapa toi, he kaupapa takoha Ka haere tonu te whawhai ki Mataharehare – Glavish