December 11, 2023
Meng Foon | Ka tohe a Pā kia pai te noho a ngā takatāpui ki te hāhi Mihingare.
Kua hinga te ringa raupā i ngā mahi mātauranga, te akiritona o te hāhi Mihinare, te māngai reo anō hoki ki ngā tari kāwanatanga maha i ōna wā a Wīremu Kaua.
Ko Kaua tētahi o ngā tino kaiurungi o te waka kōhanga reo o Te Tai Rāwhiti, he uri ia nō Ngāti Porou, nō Rākaipaaka me Ngāti Kahungunu.
Hei tā tōna hoa haere i ngā tau, hei tā Meng Foon, ko tōna aroha ki te hunga takatapui he nui hoki kia taurite tā rātou noho i te hāhi Mihingare me te ao.
Hei tā Foon anō, “me pēhea ngā minita takatāpui kei rō i te hāhi koirā tērā kaupapa nui e taupatupatu rātou ka tika te taupatupatu te mārena, ka taea e ngā minita mō ngā takatapui. Koirā tētahi kaupapanui kua kawea nei ki tō mātou tēpu.”
Kei te marae o Horouta a Pāpā Bill e takoto ana, ā, hei te Tūrei ia nehu ai ki Aramoho urupā i W’anganui.