December 07, 2023
He rawe te kite i te tokomaha o ngā kaitautoko Pākeha ki te tū a te Māori
Ahakoa te tokomaha o ngā kaikiri Pākeha ki te ahurea taketake o te motu kei reira tonu ētahi e tautoko ana i te karanga a te Māori.
Koia te kōrero a te kaumātua o te Pāti Māori a Rangi McLean nō muri mai i ngā porotehe Toitū Te Tiriti i tū ki ngā hau e wha o te motu i te Tūrei.
Hei tā McLean, nā ngā mahi kaha a te Pāti Māori i tā rātou eke ki pāremata, i tino kite ai te tautoko i te kaupapa nei.
“Rahi tonu ngā Pākeha e rata mai ana ki tā te Māori e whakatau ana ki te turakina tēnei o ngā kaupapa o te kāwana. E tohu ana tērā kei te tika te hāngai o te tōrangapū pāti Māori, tā te mea te taonga o te Tiriti i haina i ō tātou tipuna Māori, i hainahia i waenga i te karauna.”