November 30, 2023
Hōne Edwards | Dr Koro Wētere – “ko tana kaha ki te whakahoki atu i ngā kerēme i Te Tiriti o Waitangi ki te tau 1840 te tau.”
He aha te hononga o ēnei mea he minita take Māori omua, he pirimia omua, he kaikuti hipi, hei kairaranga, he koromatua omua, he kaiwhutupōro omua, ka mutu, he paerata nō Te Pakanga Tuarua o Te Ao?
He rangatira katoa rātou nō te kūititanga o ngā iwi, te kūititanga o ngā whakaaro, te kūititanga o ngā tāngata, arā te tāone o Te Rohe Pōtae a Te Kūiti.
Koia te kōrero ā te māngai o te whānau Wētere, a Hōne Edwards, hei tāna he nui rawa ngā mahi i tutuki i a Dr Koro Wētere i tana wā hei minita take Māori, ā, kua whakanuia tērā e te hapori o Te Kūiti, mā te whakarewa pou maumahara mō Wētere, me ētahi atu o ngā tino rangatira o te tāone.
Nō te wiki nei i whakarewa ngā pou maumahara e ono mō Dr Koro Wētere, rātou ko Kahurangi Rangimārie Hétet, ko te Hōnore Jim Boldger, ko Tā David Fagan, ko Tā Colin Meads, ko Les Munro anō hoki, ki te huarahi matua o te tāone a Rōrā.
E ai ki a Edwards, mātua rā ko ngā mahi tautoko a Koro Wētere i ngā tini kaupapa kokoraho, pēnei i Te Tiriti o Waitangi, “e ono pea ngā tau i te wā e noho ana a Koro hei minita [take] Māori nā i roto i taua tāima i a ia e noho ana hei minita Māori mō Aotearoa i raro i te maru o tērā tūranga. Ko te mea tino nui ki a ahau i taku titiro atu mō āna mahi ko tana kaha ki te whakahoki atu i ngā kerēme i raro i Te Tiriti o Waitangi ki te tau 1840 te tau.”
Tirohia te whārangi nei mō te roanga atu