March 23, 2023
He rorohiko reorua mā ngā kaimahi o PWC
Ko ngā kaimahi o te pakihi PriceWaterhouseCoopers ētahi o ngā hunga tuatahi ki te whiwhi i te papa patopato reorua kātahi anō ka whakarewaina e te kamupene Lenovo.
Koinā te kī a Otene Hope, kaiārahi ahurea ā-motu i PWC. Hei tāna, ka hoatu ngā rorohiko pōnaho reorua ki nga kaimahi Māori o te kamupene, tōna 100 te tokomaha, a, ka kōwhiria e ngā kaimahi hou he rorohiko patopato Pākehā, he rorohiko patopato reorua rānei. Hei tā Hopa anō, mā te papa patopato e ngāwari ai te tuhi reo Māori, heoi, he hua i tua atu i tērā.
“He tohu tēnei ki a au. Anei, kei te huri te tai. Ehara i te mea kua whakarerea iho mātou-tātou rā, te iwi Māori, ki muri, engari ko mātou kē ki mua. He tino painga tēnei e whakapae ana au.”
E ai ki a Lenovo, i tēnei wā, e wātea ana te papa patopato ki ngā kura me ngā pakihi anake.
Whakarongo ki te uiui katoa ki konei.