November 29, 2023
He kaikiri te whakangoikoretanga o ngā ture auahi kore: Davidson
He kaikiri te hiahia o te kāwanatanga haumi hou ki te whakangoikore i ngā ture auahi kore, nā te mea ka mōhio pai rātou ko te nuinga o te hunga kai hikareti he Māori, inarā he wāhine Māori.
Koia nei te kī a Marama Davidson, upoko takirua o Ngā Kākāriki, ki tā mātou hōtaka parakuihi a Paakiwaha i te ata nei. Hei tāna, he tino anuanu hoki te whākina mai a Nāhinara mā te whakangoikoretanga o ngā ture auaha e whakanui ai ngā tāke tupeka ka kokikohia hei utu i te whakamāmā tāke whiwhi moni nāna i oati.
Hei Davidson anō, he nui tana āwangawanga kāore te kāwanatanga hou nei e tautoko i ngā rautaki kaupapa Māori ki te mahi auahi kore, hauora hoki, ahakoa te angitū o aua momo rautaki hei hāpai i te oranga o te iwi Māori. Heoi, ka kī tonu ia ka pakanga Ngā Kākāriki ki ngā kaupapa here a te kāwanatanga haumi e kino ai te iwi Māori.