October 12, 2023
He kōrero wāwahi tahā
Kei te hōhā ngā tāngata i te whakatakē o te iwi ki roto i te kōrero pōti, me te tūraru kāore rātou e tuku pōti. Koia nei te whakapono o te kaihāpai ā-hapori Te Hiku o te Ika, a Reuben Taipari.
Hei tāna, nā runga i te āhua kaikiri o te kōrero, kāore te tokomaha e aro nui ana ki ngā kaupapa tōrangapū. Kei te aro ki kaupapa kē, pēnei i te Kapu o te Ao Whutupōro.
Mō Taipari ake, ko Winitana Pita nō Aotearoa Tuatahi te tino tauira o te momo kaitōrangapū e whakahōhā ana ngāi Māori i Te Nōta i āna kōrero wāwāhi tahā.
Ka kī a Taipari, “Nā taku titiro, he āhua hōhā [te hapori], hōhā i ngā tāngata whai tūru mō te Pāremata … ko Winston he tangata kerewa, engari i tana kōrero, kei hea te kotahitanga, kei hea te rongoā, kei hea to hauora mō te motu i roto i ōna kōrero? E whai tūru mōna anake.”