November 27, 2023
Kipa Munro – He maimai aroha ki a Moka Puru o Te Tai Tokerau
Kua pōhara te hapū o Te Patu Keha i Te Tai Tokerau i te rironga o tō rātou rangatira, tō rātou pūkōrero a Moka Puru, i pau te kaha i a ia ki te wero me te tohe ki ngā takahitanga a te karauna i ngā tau kua hori. Koia ngā maharatanga i te heamana o te rūnanga o Ngāti Rēhia a Kipa Munro, hei tāna kua hinga te pātaka whakairinga kōrero a te whare tapu o Ngāpuhi nui tonu.
E ai ki a Munro, “engari he maha ngā mahi kua oti nei te kaumātua nei me taku kī atu ko aua mahi kei te haere tonu. Te mutunga o ngā tau ki roto i ā tātou ko tōna tino huarahi mahi kei mua i te aroaro o te karauna ki te whawhai mō tātou o Ngāi Māori mō ngā whenua kua riro ngā nawe me ngā raru katoa i pā kau ki runga i ā tātou i reira tana ngākau i reira tōna tinana, tōna hinengaro katoa ki roto i tērā whawhai ki te karauna.”
Kei te mare o Waipuna a Moka Puru e tīraha mai ana. Hei tēnei Wenerei tonu ka nehu a Moka Puru, ki te urupā o Nahareta i Panguru.