April 29, 2024
Paraone Gloyne | He tapu ngā kōrero a tō tātou mōteatea koirā te take kāhore i pāpāhotia
Nā te tapu o ngā kupu i te mōteatea a Mōtai Tangata Rau, i whakakore ai tana pāhōtanga ki te ao.
Koia te whakatikatika a te kaiarahi i te kapa a Paraone Gloyne, whai muri i tā rātou wikitoria i te whakataetae ā-rohe o Tainui i te Hātarei.
Hei tāna, ehara i te mea he take manatā ā-ture, engari he take manatā ā- tupuna.
Anei āna whakamāramatanga, ‘kāo, ehare i te mea he ‘copyright’. Ta tātou, tātou ngā Māori nē, he kimikimi ki te Pukamata he aha ngā kōrero e rere ana. Ka rere mai te, ‘nō reria he aha tēnei mōteatea e huna ana e koe? Ko ētehi atu hoki kei te pātai, e tiaki ana i te mōteatea mō Te Matatini? Kāo! Kāhore, kotahi anake te whakautu; ko te tapu. He tapu. He mea nui hoki i whakaako nei au te kapa ki te tapatapa. He karakia, he momo karakia te tapatapa.’