April 29, 2024
Kahungunu | Ngā hua i te hui ā-iwi
Me mutu ngā mahi whakatauwehe i ngā iwi, i nga hapū, e patu ai rātau i a rātau anō, enagri kē ia, me kaha ake ā tātau tohe ki te karauna.
Koia ngā kōrero a te heamana o te iwi a Bayden Barber, whai muri i tō rātou hui ā-iwi i tū ki Waipatu Marae i te Paraire.
Hei tā Barber tonu, kei a te Māori te oranga hei whakamahu i ngā karawhiu e rangona ana e te Māori i te karauna,
“nō reira āe i pai ngā kōrero he nui ngā mō te aroha. Te aroha ki a tātau anō. Kia katia e tātau ngā mahi whakatakē i ā tātau anō. Kua roa a Kahungunu e tohe ana ki a ia anō. Nō reira me mutu ērā mahi me kotahi ai tātau i runga i te whakaaro kei te kapu o ā tātau nei ringa ngā whakautu ki ngā wero me ngā whakamātautau kei mua i ā tātau i tēnei wā.”