February 23, 2024
Melz Huata-Lucas | Whakanui i a Matariki ki Tāmaki Makaurau
He roa te wā ku whakangūngū a Te Kaunihera o Tāmaki Makaurau i ngā āhuatanga o Matariki ki tō rātou takiwā.
Koia ngā kōrero a te Pouahurea Rautaki Māori a Melz Huata-Lucas i te whakaingoatanga a te hāpū o Ngāti Tamaoho hei kaimanaaki i ngā whakahaeretanga Matariki ki te takiwa o Tāmaki Makaurau i tēnei tau.
Hei tāna, ku’ tipu mārika te māramatanga o Matariki ki te taone nui o Aotearoa, ā, mā ngā uri a Tamaoho e whakatairanga tonu.
‘E toru tau pea ki te whakamōhio te motu nei o ngā kaupapa whakahirahira o mātou Ngāi Māori tēnei kaupapa o Matariki. I ngā tau kua hipa, tokoiti o mātou o tēnei motu he tino ngako o te kaupapa o Matariki. I tēnei wā i roto i tōku mahi i waenga i te kaunihera, i waenganui i a Tāmaki Makaurau, kua puawai te kākāno i tō mai i ngā tau kua hipa e pā ana ki tēnei kaupapa o Matariki.’