May 17, 2023
He koha mā ngā mōrehu o Loafers Lodge
Kei te akiaki te koromatua o Te Whanganui-a-Tara, a Tory Whanau, mēnā rānei e taea ana e tātou tēnā tuku koha ki te Mīhana ā-taone o Pōneke hei tautoko i ngā mōrehu o ngā hunga i aituā i te toronga o te whare noho o Loafers Lodge i ngā haora o te ata i te Tūrei.
Tōna 94 ngā tāngata i noho ki Loafer’s Lodge, tokoono rātou i riro, ā, kei te kimi tonu nga kaimahi ohotata i ngā kainoho 11.
E ai ki a Whanau, i raru ngā kainoho i te whakarere i te whare i waenganui pō, ā, i mahue te katoa o ā rātou taonga, taputapu hoki.
Hei tā Whanau, mā te pūtea tautoko e whakakākahu ai, e tuku ai nga morehu ki ngā ratonga hauora. Apiti atu ki tērā, mā te pūtea tautoko hoki ngā whānau pani e āwhina ai. Hei tā Whanau, ahakoa he iti te koha, he pounamu tonu.