Listen Now: 
Download AudioAhakoa nō whea, ahakoa nō wai, ka whai ngā rangatira o Te Tau Ihu o te waka i ngā akiaki ā tō rātou kaumātua kua whakawhiwhia e ia ki Te Tohu Ratonga Tūmatanui, nā Te Kawa Mataaho, i te wiki nei.
Koia ngā kōrero a Pohe Stephen o Ngāti Rārua i tō rātou kaumātua a Barney Thomas, mō āna mahi tuitui whanaungatanga ki waenga i te iwi, te kaunihera me te kāwanatanga. Ko Thomas te Pou Ahurea ki Te Rūnanga o Ngāti Rārua.
Hei tā Stephens, “Me kī he pā whakawairua tēnei rangatira o mātou. He kaitohutohu, he kaiārahi i a mātou ōna huruhuru, nga huruhuru o ōna waewae, i ngā waka katoa o Te Tau Ihu: Kurahaupō waka mai, Tokomaru waka mai, Tainui waka mai, ka whai i āna tohutohu, ahakoa he aha. No reira, koinā tāna i te wiki kua taka ake, he ārahi i a mātou i roto i ngā āhuatanga ki ngā tikanga o kui mā, o koro mā, o rūruhi, o koroheke mā.”
