Listen Now: 
Kei te mihi atu a Ngāti Kahungunu ki tā rātou kaiwhakahaere o te reo, o te tikanga me te mātauranga, a Tākuta Tatere McLeod, nā tana whakatau kia heke i tana tūranga whai muri i ngā tau 13.
E ai ki a te kaiwhakahaere matua o te iwi, e ai ki a Chrissie Hape, he nui ngā mahi whakahirahira i tutuki i a McLeod i ōna tau hei hāpai i ngā mema e 39,000 o te iwi. He whakaputa i te rautaki whakarauora reo, he whakahaere i ngā kura reo, me te hui Te Reo ki Tua. Otirā, ko ngā wānanga mā te hunga rangatahi hei whakangungu i ngā rangatira reorua o āpōpō.
I te tau 2020, i whakatū a McLeod i tana kamupene ake e kīia nei a Kauwaka kia whai wāhi atu ki te mahi whakarauora reo o te iwi, o te motu whānui hoki, ā, ko tāna kia aro atu ki tēnei mahi.
Heoi, e ai ki a Hape, e koa ana ia kia haere tonu te mahitahi ki waenga i a Kauwaka me Ngāti Kahungunu.
