October 31, 2023
Waitematā: Kei te hiki haere te rāhui
Kei te hiki haere ngā wāhi o te Waitematā e rāhuitia ana te kaukau, te eke pōti hoki i tērā marama whai muri i te nui o tētehi tuku paru ki te moana.
E ai ki te heamana o Ngāi Whātua Ōrākei, a Marama Royal, nā te mā haere o te wai, kua whāiti te wāhi kua rāhutia ki te takutai moana atu i Ōkahu ki te pāka o Masefield ki te rori o Curran St. Kei te mahitahi a Watercare me ngā mana whenua o te Waitematā ki te whakamātatau i te wai ia te rā, ia te rā.
Whai muri i te turakitanga o tētehi harihari paru matua i Panēra, i Tāmaki Makaurau, i tērā marama, e 8 miriona rita te rahi o te paru i rere ai ki te wai, mō ngā rā e 20. I tērā atu wiki whakakā ai ngā pūnaha papu e 6 hei whakahuri te ara o te paru i te wāhanga kōrere kua tanuku, heoi kāore anō te paru i te Waitematā o roto kia mahea.
Mā te pūmanawa tautono o Safeswim mōhio ai ngā kainoho o Tāmaki ā whea haumaru ai te hokinga ki te wai.