October 16, 2023
He toutou i te ahi o Kaikiri kia whai poti te aronganui mā ngā pāti i te taha katau o te whare
I tae atu te pirimia a Chris Hipkins ki te marae o Ngā whare Waatea I tērā wiki ki te whakaū I te nui o ngā mahi kua oti I a te pāti Reipa hai pāinga mā te māori me te whakaū anō hoki I ngā mōreareatanga ka wheakongia e te motu ki te tū a Nahinara hai kāwana.
Ki reira I whakatakotohia te manuka e te heamana o MUMA e Bernie O’donell ki a Minita Kelvin Davis pū kia whakatūhia he hui I Ngāpuhi kia wānangahia ngā tūāhuatanga kaikiri e puta kaha ana I ngā Pāti o NZ’ First o ACT anō hoki.
Hai tā Bernie O’Donell kāore i kō atu i a Winitana rāua tahi ko Rawiri mō te toutou i te ahi o kaikiri o kaiahurea māori.
” Kei reira anō tērā rangatira a Winitana kei reira anō tērā tangata anō rā tōna kōrero nō koutou anō rā ko Rawiri tērā e kawe mai tēnei mea kaki whero tēnei mea tūkino mai nā rāua anō rā takatakahī anō rā te mana o Te Tiriti o Waitangi”.
Hai tā te Minita i Te Pāti Reipa hai tā Minita Kelvin Davis he tautoko i tā Bernie i whārikihia ai me tā rātou manako nui ka kore tērā tūahuatanga e kaha kē ake hai ngā rangi tata nei.
“Ngā kōrero e pā ana ki te kaikiritanga e kite ana tātou i tēnei kōwhiringa pōti kua rongo ai mātou i ngā wērā o ngā kaitautoko wērā atu o ngā pāti a Nahinara a ACT, wētahi atu kei te raki e takahi ana e whakaiti ana i te mana o taku tuahine a Willow-Jean Prime i roto i ngā hui, nā reira he mea kino tēnei ngārara te kaikiri”.