October 11, 2023
Uenuku: Kia moe te ingoa o National Park
Kua whakaāehia e Ngā Pou Taunaha o Aotearoa kia whakatūhia tētahi wāhi whakahoki kōrero ki te kaupapa kia whakahokia ōkawatia te ingoa tūturu o te wāhi e mōhiotia ana ko National Park.
E hurō ana te iwi o Uenuku i te whakaāetanga nei, me te mea hoki he mea tāmi ia i tētahi o ā rātou tāonga tuku iho. Hei tā te iwi, ko Waimarino te ingoa tika, ā, e hāngai ana ia ki ngā pūroto kei raro i ngā maunga o Ruapehu, Tongariro me Ngāuruhoe. Nō te tau 1926, panoni ai te ingoa e te kāwanatanga nā te hē o te tono o tētahi pēke mēra ki Waimarino kē atu.
Hei tā te heamana o te Tarahiti o Uenuku, a Aiden Gilbert, kāore i tika te mahi a te kāwanatanga. “Ki te mārama ki a koutou, ki a tātou, ngā ingoa o Waimarino arā kei te hē ngā ingoa ko te National Park. Kua homai te ingoa ko Waimarino nāna nei i homai i ngā tūpuna.”
Ā te 7 o Noema tuwhera ai ngā tono.