Listen Now: 
Download AudioKo te kaiwaiata nei a Mohi Allen tētahi o ngā kaiwaiata tokotoru kua whai wāhi atu ki ngā whiringa whāiti mō te tohu reo Māori o te whakataetae Kaitito Kaiaka 2023, arā, APRA Silver Scrolls.
E ai ki a Allen, i te tūmeke katoa i tēnei whakarangatira i a ia, ā, nōna te waimarire ki te mahi tahi ki ngā tohunga reo kia putaina e ia te waiata a Me Pēwhea Rā.
“I waimārie katoa ahau te haere atu ki taua kaupapa a Te Pūtahi Waiata Māori, anā, ko te Reo Māori Song Hubs ki taua kaupapa noho tahi ai me ētahi o aku tino hoa a Noema te Hau, a Hina, a Hēmi Kelly rātou ko Te Rawhitiroa Bosch, ki te tito i tēnei waiata. No reira, kotahi noa iho te rā kia tito kia waihanga i tētahi waiata Māori ki taua kaupapa. Nā, haere he rua haora pea ka puta ko tēnei waiata ko Me Pēhea Rā. Me mihi ka tika.”
Ko te waiata tuarua ki te eke ki te whiringa whāiti ko E Tama, nā Hamiora Tuari rātou ko Ani Piki Tuari ko Tame Tuari ko Tatana Tuari ko Matt Sadgrove i tito, nā ngā Tuari Brothers te waiata i waiata. Ko te waiata tuatoru ko Raumati nā Jordyn with a Y i tito.
Hei te 4 o Oketopa tū ai te pō tuku taonga ki Tāmaki Makaurau.
- Whakaronga ki te uiui katoa ki konei.
RELATED NEWS
