August 09, 2023
Ka toro atu ngā ringa o ngā Ō Pango
Kei te rongo tonu ngā whānau o Tangoio i te ngau a Huripari Gabrielle e 8 marama tonu nō muri mai i tāna takahi haere i te takiwā. Tē taea tonu te whakamahi i tō rātou wharenui, a, tē taea hoki te noho ki ētahi o ngā whare o te pā.
Heoi hei tā Ngahiwi Tomoana, heamana o mua o te iwi, kua whai oranga anō rātou i te taenga atu o ngā Ō Pango ki reira ki te āwhina i a rātou mahi whakatikatika.
“I hāpai ake, i whakarewa ake te mauri o te hapū o Tangoio. I whakarewa anō hoki te wairua, i whakarewa ake hoki te hinengaro, ā, ngā mea katoa. Ka mea mai te kaumātua o Tangoio, E kī! Ka toro atu taku oranga mō nga tau 10, e ora ake taku oranga ināianei nā te mahi a te kapa Ō Pango.”