March 28, 2023
Kāore he pūtea nui: Julian Wilcox
Ehara i te mea he nui ngā pūtea mā te ao pāpāho Māori i tēnei wā e aro nui ana te kāwanatanga ki ngā kaupapa e kīia nei ko ngā take “parāoa me te pata”.
Koia nei te kōrero a Julian Wilcox, heamana tuarua o Ngā Aho Whakaari, whai muri i tana hui ā-motu ki Tāmaki Makau Rau i tērā wiki. I whakarauika ngā kaimahi o te ao pāpāho Māori ki Te Māhurehure Marae i te Paraire ki te wānanga i ngā kaupapa o te wā.
E ai ki a Wilcox, “Ka kōrero mai te minita a Willie Jackson, te minita take pāpāho, te minita take Māori anō hoki. Ka puta i tana kauwhau he kōrero e mea ana he pirimia hou, he aronga hou, ehara i te mea he nui ngā moni kei te takiwā e whuia atu ana e te kāwanatanga ki hea, ki hea. Nā reira, me āta whakaaro iho mātou he aha ngā mea me oti tika i te nāianei hei pāinga atu mō te āpōpō, ā tēnā, ka taea e mahia.”