Listen Now: 
Download AudioHe aha ngā rautaki pai rawa kia kōkiritia te ōritetanga mō ngā tamariki katoa e kuraina ana i ngā kura huri noa i Aotearoa? Koia nei te aronga matua o te hui ā-kaiako e kīia nei ko ULearn23, e tīmata nei i te Tai Tonga o Tāmaki Makaurau āpōpō.
Nā te rōpū mātauranga monihua-kore a Tātai Aho Rau te hui i whakatū, ā, e ai ki tana tumuaki, a Tākuta Hana O’Regan, tokomaha rawa ngā tauira kāore e whakapuāwai ana i ō rātou kura. Atu i te Wenerei ki te Paraire, whakarauika ai ngā tāngata e 600 ki te wānanga i ngā huarahi hei whai kia whakahoro ai ngā ārai i te mahi ako.
Hei tā O’Regan, “He aha hoki kā mea hei āwhina i tā tākata kia ea ai kā wawata o ō tātou tīpuna ki roto i te ao mātauraka, heoi anō kia ea ai kā wawata o kā ākoka i tēnei wā, ā, mō āpōpō, ā, mō te āke, ake nei.”
RELATED NEWS
