September 27, 2023
Ka noho aukati te roto tae atu ki te wā ka whakatokangia he tukanga tiaki wai
Kua puta atu ngā hiahia a Ngāti Tarāwhai mō ngā mahi hai whakahaumaru i te roto o Ōkataina kia kore te kōkuhu ‘Gold-clam’ e pokea rawatia ana ngā papa o te roto rā me te aha e tautoko pou te kaha ana te tarahiti o Te Arawa ki ta rātou e whai nei.
E ai ki a Haimona te Nahu Kaihāpai i ngā kaupapa taiao i te tarahiti o Te Arawa he tautoko i a Ngāti Tarāwhai te mahi kia kore rawa te kōkuhu ‘Gold Clam’ e tau iho ki ngā papa roto o Ōkataina.
“Kua roa nei mātou e wānanga ana ki te taha o ‘MPI’ o ‘Biosecurity New Zealand’ o ngā kaunihera o roto o Rotorua mō te tiaki i ngā wai o roto i ngā roto me tā mātou i tēnei wā kārekau he tūranga matua he ahunga whakamua matua kua whakaritehia e aua wahanga kaitiaki a ‘MPI’ a ‘Biosecurity’ e ngā kaunihera i tēnei wā, nā reira i runga i te tono a Ngāti Tarāwhai tuatahi rā ki te hui taumata i karangahia e ngā roto o Te Arawa i tae ā tinana ētahi o ngā rangatira ki waenganui i a tātou o Te Arawa me te tautoko hoki te tono o ‘Cyrus Hingston’ nō Ngāti Tarāwhai te tiamana o tō rātou poari kia katia te roto tae noa ki tētahi wā kua whakaritea he tukanga tiaki i ngā wāi i te roto o Okareka”.