May 10, 2024
TŌRANGAPŪ | Ka hora tonu he kai ki ngā tamariki kura, engari he wainamu, he waireka rānei aua kai?
Mā te penapena i te pūtea tautoko ki te whāngai i ngā tamariki kura, ka wainamu pea te waha ki ngā kai ka hora ki te tepu.
Koia te kōrero a te tumuaki o Te Whare Kura o Manurewa a Mahia Nathan, i te kī a te minita mātauranga tuarua a David Seymour ka wgāngaihia tonu ngā tauira engari he ngāwari rawa ngā kai ka hora ki ngā tamariki.
Hei tāna tonu, ki te heke te taumata m ete nui o ngā kai ko te tauira kē ka raru.
“Kua raru ia mō tēnei mea te utu mō ia tauira i heke mai i te $8 mō ia tauira ki te $3 ki ia tauira. Nā te hiahia a ngā tāngata penapena pūtea i taku titiro $1.7 miriona ka penahia e rātau. Engari he mōhio tonutanga mēnā ka heke te utu o tētahi mea i tērā āhua $8 mō ia tauira, $8 ki te $3 kua heke te kōunga o ngā kai.”