Listen Now: 
Download AudioNāwai i hē, ka hē kē atu, kua karawhiu te marangai, kua waipuke anō ngā kōawaawa i Te Tairāwhiti.
I te tīmatanga o te tau nei ko huripari Hale tērā i tau atu ki Tūranganui-a-Kiwa, nō muri ko huripari Gabrielle, i aituā hoki nei i Te Tai Rāwhiti, otirā, i motukina hoki ngā huarahi, i horomia te whenua, i te mate hoki ētahi tangata.
Kua hiki te noho tūohotata ki ngā haukāinga ki Te Tairāwhiti, i ngā tāone o Tūranganui-a-Kiwa, o Uawa, o Tokomaru ērā i herea e ngā ākina nei, heoi kei reira tonu a māharahara e huri haere ana mō te tūpono ka kino kē ake ngā karawhiu ā te matapae huarere hei ngā marama e kainamu mai nei.
Hei tā te haukāinga nō Uawa hei tā Tākuta Wayne Ngata,
“Kia kaha! Koirā noa iho te kupu akiaki āku ki ngā uri o Te Tairāwhiti, kia kaha ki te tiaki i a mātou anō kia kaha hoki te tiaki i ngā kāinga o tēnā o tēnā o mātou e noho nei i tēnei tai, he āhuatanga hou tēnei, he hou te kaha o te marangai .”
