Ka haere a Kīngi Tūheitia ki roto o Te Arawa

Waatea Team Te Taepa Kameta

Download Audio

Hei āpōpō ka whakarangatira a Kīngi Tūheitia me Tainui waka i te ahurei a Ngāti Pikiao ki Te Puku o Te Ika a Māui, ki te marae o Waitī i Rotoiti.

Koia te kōrero a te heamana o te kōmmiti whakahaere o te ahurei o Ngāti Pikiao a Te Taepa Kameta ki tō mātou hōtaka o Manako, hei tāna kua roa nei rātou e tono ana kia haere mai te Kīngitanga ki te tui i te whanautanga, me te hītoria kei wawenui i ā rāua.

“ko te kaupapa nui mō tēnei ahurei i tēnei tau ko te Kīngitanga nō reira i tupu tonu atu mātou ki tō tātou kīngi a Kīngi Tūheitia. Waimārie mātou i whakahoki kōrero mai kei te haere mai tō tātou kīngi, te makau ariki otirā a Tainui waka. Kua roa nei mātou e tupu tonu atu engari i runga i ngā kaupapa maha a tō tātou kīngi engari i tēnei tau kua hiki tēnā tono.”

RELATED NEWS

Kaua e maina ki konei: Kaunihera o Taranaki ki te Tonga Ka aratohungia ngā tari kāwanatanga e te aratohu reo Māori Kia noho anō te reo Māori hei reo tuatahi koia te hiahia a Ngā Kākāriki