June 09, 2023
Ka aratohungia ngā tari kāwanatanga e te aratohu reo Māori
Hei āpiti atu ki ngā aratohu huarahi hou i whakaputaina e Te Mātāwai me Waka Kōtahi. Kei te whakarite hoki ētahi aratohu reo Māori hou mō ngā tari a te kāwanatanga. Koia te kōrero a te tumu whakahaere o Te Taura Whiri i te Reo Māori, a Ngahiwi Apanui.
Hei tāna, koia tētahi o ngā whainga kua puta i te rautaki reo a te kāwanatanga a Maihi Karauna, kia pai tō rātou whakawhanake, whakarauora hoki i te reo ki ō rātou whare.
“Nā ko tētahi ahuatanga i puta i ngā rangi tata nei, me kī ko te hiahia o ngā tari, o wai ake rānei, ki te mea ki te aratohu, hei āwhina i ā rātou ki te whakarauora i te reo Māori i roto i ō rātou ake whare, i te mea hei tauira mō nga tari kawanatanga, kaore ano kia waihangatia mai he tauira kaupapahere reo maori mo nga tari kawananatanga katoa. Na reira hei nga rua marama e haere atu nei kua oti tera i a matou tonu etahi o nga tari.”