September 21, 2023
Kairākau – Kia whakakoni i ngā mahi a ngā tīpuna hei kai mā ngā uri
Mā ngā whakaaturanga penei i a Kairākau e whakaora ai anō ngā tupuna o neherā.
Koia te kōrero a tōna ringatohu a Rangi Rangitukunoa i mua i te whakaputanga o te terenga tuatora o te whakaaturanga nei i tenei po. Kua horapa te whariki whero ki nga papa o te Whare Tapere o Ta Howard Morrison hei whakatuwhera i te terenga nei, ā, hei tā Rangitukunoa, ko te mea nui ki a ia, kia kite ngā uri o aua tupuna i te ao i ora ai rātou.
“Ka hari koa rātou i te mea kua whakaora anō ngā tīpuna me ō rāto kōrero ahakoa ko wai i tū ahakoa ko wai i hinga ko te manako ko te whakaaronui āna kei te kite ngā uri kei te kite anō te marea kua hoki mai anō ngā tīpuna kua ora anō me ō ratou kōrero. Mō te hunga rangatahi mō ngā uri mō Ngāi Tātou te iwi Māori, na, kia kite i ngā āhuatanga o ngā tīpuna me ō rātou mahi heoi anō he whakaora anō i ā rātou koinā te manako o tō mātou tira.”