Listen Now: 
September 10, 2023
Kei te ora te reo māori i Ngāti Raukawa
Pohaturoa Waenga
Posted On September 10, 2023
Download AudioE whakatata mai nei ko te wiki o te reo māori me te kaupapa o Mahuru māori anō hoki, a, e toro atu nei a Manako ki ngā iwi kia rongo i te reka kia rongo hoki i ngā kaupapa ka whakahaerehia e ngā iwi o te motu.
Hai tā te Kaipāpāhō i ‘Te Reo Irirangi o Te Upoko o te Ika’ hai tā Manahi Te Hiakai Gardiner kua whanake pai te iwi o Ngāti Raukawa mō te taha ki ngā mahi whakaora reo, hai tāna anō meikore ake ngā rautaki pērā ki ‘Te Wiki o te reo māori’ e pēnei rawa ai te horapa o te reo māori i tēnei motu.
” I kaha ai ngā mea o Ngāti Raukawa ngā kaumātua i ngana ai rātou ki te whai i tētahi rautaki kia whakaora ai i te reo te ngana te āta whakaputaputa i ō rātou nei mātauranga i ō rātou nei kōrero ki tēnā ki tēnā o ngā uri o Ngāti Raukawa kia titia ki te rei, kia titia ki te whatu manawa, kia titia anō hoki ki te tīnana, mā te aha ? mā te kura reo , mā ngā hui rangatahi hoki, mā ngā noho marae”
