May 01, 2024
Ōrākau Paewae | Ko te tūmanako ka whakahokia te whenua i te mutunga o tēnei tau
E niwha ana te ngākau o ngā uri o Tainui i te pānuitanga tuatahi o te Pire mō Orākau, e whai nei kia whakahokia ngā tupuna whenua o te wahi pakanga nei ki a rātou.
Koia te kōrero a te māngai o Ōrākau Paewae a Rāhui Papa, whai muri i te whakaae o ngā pāti o te whare pāremata ki te pānuitanga tuatahi o te pire nei inānahi.
“i rawe i whakaihoiho te wairua o Waikato, o Maniapoto, o Raukawa kia tatū atu ki tēnei kaupapa kua 160 tau tēnei kaupapa e tāria ake ana, ā, kua whakatutuki i te pānuitanga tuatahi ki roto i te whare pāremata. Ko tō mātou hiahia ō ngā iwi o Tainui waka kia whakatutuki katoa i tēnei tau te whakahokinga mai o te whenua, otirā o te whakamānawa me te kaupapa o Ōrākau kei mua tonu kei te aroaro o te whare pāremata i tēnei wā.”