August 24, 2023
Raukawa ki raro, Raraunga ki runga
Kua whai wāhi atu a Te Poari Matua o Ngāti Raukawa ki ōna ake tatauranga e purutia nei e Tatauranga Aotearoa, hei māmā ake te kite i te whanaketanga i te kore whanaketanga rānei o te iwi me ōna uri nui tonu.
E ai ki te pou kōrero i Tātauranga Aotearoa e ai ki a Nika Rua ko te tino tikanga o ēnei mahi kia riro mā Ngāti Raukawa nui tonu e whakarite me pēwhea rātou e whakamana ai te tino rangatiranga ki ngā tikanga a te iwi, ā, mā ēnei rauemi i Tatauranga Aotearoa e āwhina atu.
“He huarahi tēnei e tuwhera ai ngā tatau ki ngā rauemi o roto i te rangai kāwanatanga e mārama ai a Raukawa ki ngā tatauranga ki ngā raraunga e whai wāhi ai ki te iwi tonu, otirā, kia riro tonu mā Raukawa e whakahaere, kia riro mā Raukawa te mana ki ērā raraunga, ki ērā tatauranga”