Listen Now: 
Download AudioKua whakarahia e te kāwanatanga te whiwhinga utu mā ngā kaiako kura tuarua mō te tau e kanamu mai nei. Engari ko te utu o taua whakaritenga me kimikimi e te kāwanatanga e toru miriona, e whitu tekau mā whā miriona tāra, hei utu i ngā kaiako kura tuarua nei.
Me piki ake ngā utu ka tika, koia te whakapae a Mahia Nathan, te tumuaki o te wharekura o Manurewa, engari hei tāna anō me whakarite mahere hoki kia māmā ake ngā mahi nui a te kaiako.
“Mōhio tonu tāua ko tēnei mea te mutu a te kaiako e kore e mutu. Ka mutu koe i te ako i ngā tamariki, hoki atu koe ki te kāinga kei te whakaaro tonu koe ki ngā āhuatanga o te kaiako, ki ngā āhuatanga o ngā tamariki, kei te aha rātou kei te pēhea te wairua o ngā tamariki, te aha atu, te aha atu…” – Tumuaki, te wharekura o Manurewa, Mahia Nathan.
