August 03, 2023
Manako – Ikanui Kingi-Waiaua
Kua puta te karanga ki ngā uri o Parata o Kahutianui i Te Taitokerau kia whakakotahi atu ki tētahi hui nui i te wiki nei, he aha te kaupapa he whakakotahi i te iwi o Ngāti Kahu i te maru o te kapa haka.
E ai ki a Ikanui Kīngi-Waiaua, mātua rā ko te whakawhanaungatanga me te ngahau hei whakakotahi nei i ngā iwi nei mō ngā rangi e rua ki te marae o Kauhanga.
“Ko taku hiahia nui, kia tautoko a Ngāti Kahu i roto i ngā mahi waiata, me ētahi atu taha. Ko tēnei hui he hui kua whakaritea kia piri tahi ngā iwi e rima o Te Hiku o te Ika arā ko Ngāti Kurī, ko Te Aupōuri, ko Ngāi Takoto, ko Te Rārawa, ko Ngāti Kahu ngā iwi e rima nei.” – Ikanui Kīngi-Waiaua.