July 13, 2023
Nā te ahurea Māori i ora ai te haerenga tauhokohoko a te Pirimia?
Kua ora marika pea te haerenga tauhokohoko a te Pirimia ki Haina i te ahurea Māori.
Koia te kōrero a te kaitātaki o te kapahaka o Te Whanau a Apanui, me ngā toa whakaihuwaka o Te Matatini, a Tamati Waaka, whai muri i tā rātou hokinga mai i Haina ina tata nei.
Hei tāna, nō tō rātou kapa te whiwhi ki te haere hei whakatairanga i te ahurea Māori, ā, i kitea hoki tērā i te kanohi a ō rātou kaihautū o Haina.
“Engari nō te taetanga ki reira ka kitea ko te huanui i puta ki a rātou ae, i aro mai te iwi o Haina ki a rātou, otirā, ki tō tātou motu i runga i te whirinaki ki tētahi ahurea, ana, ko tō tātou na ahurea tērā, ko te ahurea o te Māori. Nō reira mātou i haere ki reira, nōreira ki ōku na whakaaro he nui ngā hua, kotahi noaiho te tū ki te waiata ki te haka ki te whakawhitiwhiti, ā, huri tonu mai, ā, menemene mai ngā iwi o reira ki tō tātou motu.”