March 29, 2023
Me panoni te wairua o ngā kōrero take whare: Tipene James
Kua tae te wā ki te panoni i te wairua o ngā kōrero mō ngā take kāinga Māori i te kino ki te pai. Koia nei te kī a Tipene James, māngai mō te Komiti Nui o Ngāti Whakaue, tētehi o ngā rōpū mana whenua ka whai wāhi atu ki te tuawhitu o nga Ahurei Kāinga Māori ā-Motu i tīmata ki Rotorua i tēnei ata.
Hei tāna, ko tana wawata nui mō te hui kia aro ngā tāngata ki te nui me te angitu o ngā kaupapa whakatū whare e whakahaerehia ana e tēnā iwi, e tēnā iwi huri noa i te motu, kaua ki ngā tatauranga kino i ngā wā katoa.
Hei tā James, “Ko tā mātou me te poari nei o tēnei kaupapa he hiahia kia panoni ai ngā whakaaro a tātou katoa ki ngā whakaaro pai e pā ana ki a tātou. Āe, e mārama ana me kimi tonu i ngā hē kia kimi tonu i te pai, engari mō tēnei wā me kimi rautaki tātou. Koia nei te whāinga o tēnei kaupapa, kia whai rāutaki mō aua tuahuatanga.”
Whakarongo ki te uiui katoa ki konei.