Listen Now: 
Download AudioHe kōhi pōti, he whai kaitautoko, he whakatairanga i ngā kaupapa hai oranga mā te katoa hai oranga hoki mā te taiao, koia pū kei te ūpoko o te rārāngi mahi mā o tātou kaitōrangapū ia tātou e whakatata atu ana ki te kōwhiringa pōti ka tū hai a Oketopa.
I tērā wiki i haere ngātahi atu ngā mema paremata rātou ko te Pīka o te whare Miere arā a Adrian Rūrawhe ki ngā kura i Te Papaioea, ko te mahi ko te whakatuira i ngā mahi kei rō paremata hai whai pea mā rātou a tōna wā.
Hai tā te mema paremata i Te Paati Kākāriki hai ta Teanau Tuiono ” He akoranganui itemea ko te nuinga o te tangata kāore i te tino mōhio he aha te aha ki te taha o te paremata me ōna piringa, ōna rerekētanga ki te kāwanatanga, itemea ko te kāwanatanga e ai ki ngā ture ko tērā ngā minita o te karauna e ai ki ngā tūkanga ko ngā mema o te paremata ka matapaki ngā pire ngā ture, kātahi ka wero.
