June 16, 2023
He maimai aroha ki a Te Aroha Tairākena
Nō ngā rā tata nei hinga ai a Te Aroha Tairākena, te whaea kēkē o Kīngi Tūheitia, me te teina o te whaea ake o tō tātou kuīni Māori, o Te Arikinui Te Atairangikāhu, e waru tekau ma wha tona pakeke.
Hei tā tōnā irāmutu, hei tā Mamae Takerei, he wahine rangatira ia nō te kāhui ariki, he wahine i ngākaunui ki tōna iwi o Tainui, he kaiako hauora ia ki Ngāruawāhia, otirā, he kanohi kitea ia i ngā haerenga a te Kīngitanga i ngā marae maha o te motu.
Hei tā Takerei he wahine pūkenga rau ia, “Ko te kaha o te wahine nei ko te whakatū i te kōhanga reo, kaha ia ki te āwhina ngā kura kaupapa Māori ngā kura tuarua. Ko te community health, te āhuatanga o te hapori hauora, ko Tainui radio, ko ia te whakamutunga o ngā trustees i runga i a Tainui Radio, ko te nurses aid, ko te waka tauā, i noho ia i runga i te poari o Ngāruawāhia high school, he maha! He maha ngā kōrero nei mō tō mātou whaea.”
I tēnei wā tonu kei tōna marae o Tūrangawaewae ia e noho ana. Hei tā ngā whakaritenga nō te Paraire ia nehua ai.
E ai ki a Takerei “Ko te rā nehu ko te Paraire, ā, ka haria mātou tōna wairua ki te Poukai o Pōhara a te Rātapu”
Tēnā, whakarongo ki te uiui katoa ki konei.